യൂണിറ്റ് വാർഷികം കേരള ശാസ്ത്രസാഹിത്യ പരിഷത്ത് മുളന്തുരുത്തി യൂണിറ്റിന്റെ 35-മത് വാർഷീകം യൂണിവേഴ്സൽ ആർട്സ് കോളേജിൽ വച്ച് നടന്നു. ഇന്ത്യയുടെ പാഡ് മാൻ 'അരുണാചലം മുരുഗാനന്ദ'ത്തിന്റെ വിജയകഥ ആസ്പദമാക്കി നിർമ്മിച്ച് ഈ വർഷത്തെ ഓസ്കർ പുരസ്‍കാരം ലഭിച്ച 'പീരീഡ് - ഏൻഡ് ഓഫ് ദി സെന്റൻസ്' എന്ന ഹ്രസ്വചിത്രം പ്രദർശിപ്പിച്ചു. യൂണിറ്റ് സെക്രട്ടറി വാർഷീക റിപ്പോർട്ടും കണക്കുകളും അവതരിപ്പിച്ചു, തുടർന്നു നടന്ന ചർച്ചയിൽ പ്രാദേശിക പരിസ്ഥിതി വിഷയങ്ങളിലൂന്നി ഭാവിപരിപാടികൾ എങ്ങിനെ മികവുറ്റതാക്കാം എന്ന് ചർച്ച ചെയ്തു. മേഖല സെക്രെട്ടറി കെ എൻ സുരേഷ്, സംഘടരേഖ അവതരിപ്പിച്ചുകൊണ്ട് സംസാരിച്ചു. മേഖല ട്രഷറർ ടി കെ ഗോപിയുടെ സാന്നിധ്യത്തിൽ നടന്ന തിരഞ്ഞെടുപ്പിൽ പുതിയ ഭാരവാഹികളെ തിരഞ്ഞെടുത്തു. പ്രസിഡണ്ട് - പ്രൊഫ. എം.വി ഗോപാലകൃഷ്ണൻ, വൈസ് പ്രസിഡണ്ട് - ബി വി മുരളി, സെക്രട്ടറി - ജോസി വർക്കി, ജോയിന്റ് സെക്രട്ടറി - ജിതിൻ ജെയിംസ്
എറണാകുളം ജില്ലയിലെ മുളന്തുരുത്തി മേഖലയിൽ ശക്തമായി പ്രവർത്തിക്കുന്ന ഒരു യൂണിറ്റാണ് 'മുളന്തുരുത്തി' വളരെ പ്രഗത്ഭരും പ്രശസ്തരും പ്രവർത്തിച്ചു കടന്നുപോയ വഴികളിലൂടെയാണ് യൂണിറ്റ് ഇന്ന് നടന്നുകൊണ്ടിരിക്കുന്നത്. മുളന്തുരുത്തി പ്രദേശത്തിലെ പല വികസന - സാംസ്കാരിക പ്രവർത്തനങ്ങളിലും പരിഷത്തിന്റെ നിലപാടുകൾ ഉയർത്തിപിടിച്ചുകൊണ്ട് ഇടപെടാൻ മുളന്തുരുത്തി മേഖല കമ്മിറ്റിയ്ക്കൊപ്പം യൂണിറ്റും പരിശ്രമിക്കുന്നു.