കേരള പഠനം പൂർത്തിയാക്കി : മുളന്തുരുത്തി യൂണിറ്റിന് കീഴിൽ വരുന്ന രണ്ടു വീടുകളിലാണ് കേരള പഠനം നടത്തേണ്ടിയിരുന്നത്. ഒരു കുടുംബത്തോടൊപ്പം 3 മുതൽ 4 മണിക്കൂർ വരെ ചെലവൊഴിച്ചാണ് സർവ്വേ പൂർത്തിയാക്കുക. വീട്ടിലെ എല്ലാ അംഗങ്ങളെയും ഉൾപ്പെടുത്തി സർവ്വേ പൂർത്തീകരിക്കാൻ സാധിച്ചത് നമ്മുടെ യൂണിറ്റിന്റെ നേട്ടമാണ്. സർവേ സമയബന്ധിതമായി തീർക്കാൻ സഹകരിച്ച ടീം - കെ.എൻ സുരേഷ്, ബി. വി മുരളി, സിന്ധു എം.ആർ, അജിത കെ.എ, പി.കെ രഞ്ചൻ & ജോസി വർക്കി
മുളന്തുരുത്തി ∙ ശാസ്ത്രസാഹിത്യ പരിഷത് ജില്ലാ സമ്മേളനത്തിന്റെ മുന്നോടിയായി പരിഷത്തും മുളന്തുരുത്തി പബ്ലിക് ലൈബ്രറിയും ചേർന്നു സംഘടിപ്പിച്ച മലയാള ഭാഷാ സെമിനാർ പ്രഫ. കാവുമ്പായി ബാലകൃഷ്ണൻ ഉദ്ഘാടനം ചെയ്തു. ഭാഷയുടെ കാര്യത്തിൽ, അധ്യയനത്തിലും അധ്യാപനത്തിലും വിദ്യാർഥികളുടെ നിലവാരം ഉയർത്തുന്ന കാര്യത്തിലും പല കാലഘട്ടത്തിലും ഗുണപരമായ മാറ്റം ഉണ്ടായില്ലെന്ന് അദ്ദേഹം പറഞ്ഞു. ‘മതേതരത്വം, ജനാധിപത്യം, മാതൃഭാഷ’ എന്ന വിഷയത്തിൽ ഡോ. സുമി ജോയി ഒാലിയപ്പുറം പ്രഭാഷണം നടത്തി. പബ്ലിക് ലൈബ്രറി പ്രസിഡന്റ് സജി മുളന്തുരുത്തി അധ്യക്ഷത വഹിച്ചു. ശാസ്ത്രസാഹിത്യ പരിഷത് യൂണിറ്റ് സെക്രട്ടറി ജോസി വർക്കി, ലൈബ്രറി സെക്രട്ടറി കെ.കെ. സണ്ണി, കെ.എൻ. സുരേഷ്, പി.കെ. വാസു എന്നിവർ പ്രസംഗിച്ചു. സത്കലാ വിജയൻ കവിതാലാപനം നടത്തി. ---------------------------------------------------------------------------------------- കച്ചവട വിദ്യാഭ്യാസത്തിൽ കൂടി മെച്ചപ്പെട്ട വിദ്യാഭ്യാസം ആർജ്ജിക്കാൻ സാധിക്കില്ല എന്ന് കേരള ശാസ്ത്രസാഹിത്യ പരിഷത്ത് മുൻ സംസ്ഥാന പ്രസിഡന്റ് ഡോ: കാവുമ്പായി ബാലകൃഷ്ണൻ അഭിപ്രായപ്പെട്ടു കേരള ശാസ്ത്രസാഹിത്യ പരിഷത്ത...
Comments
Post a Comment